Ekipi është rikthyer në punë për duelin e mesjavës ndaj Drenicës. Me grupin është bashkuar edhe kapiteni Edison Kqiku.
- Ekipi rikthehet punës
- Edison Kqiku stërvitet në normalitet
- Shqetësime për Senad Jarovic
Skuadra ka nisur punën menjëherë pas fitores në vikend ndaj Ferizajt në udhëtim (0-1). Me grupin është bashkuar edhe kapiteni Edison Kqiku dhe pritet të jetë pjesë e listës. Shqetësime ka patur për futbollistin Senad Jarovic, i cili ka ndjerë shqetësime muskulare nga ndeshja e fundit dhe nuk është stërvitur.
Grupi do të mblidhet edhe njëherë në mëngjesin e së mërkurës për të vijuar me seancën e fundit stërvitore para duelit të së enjtes ndaj Drenicës në shtëpi.
Ndeshja do të zhvillohet të enjten më 25 shtator me fillim nga ora 15:00 në stadiumin ndihmës në Gjilan.