Sport Club Gjilani ka përfunduar me sukses fazën përgatitore në Antalia dhe ekipi ka rikthyer në shtëpi pas ditëve intensive të stërvitjes dhe ndeshjeve testuese. Kjo fazë shërbeu për rritjen e nivelit fizik, konsolidimin e grupit dhe përgatitjen taktike në prag të vazhdimit të garave.
Me kthimin në Gjilan, skuadra nis menjëherë javën anti-Ballkani, e fokusuar plotësisht në përgatitjet për ndeshjen e fundjavës. Stafi teknik ka planifikuar seanca të dedikuara stërvitore, analizë të kundërshtarit dhe punë specifike taktike, me synimin maksimal për paraqitje dhe rezultat pozitiv.
Sport Club Gjilani mbetet i përqendruar, i motivuar dhe i gatshëm për sfidat që e presin.
Dueli ndërmjet Gjilanit dhe Ballkanit zhvillohet të dielën më 8 Shkurt me fillim nga ora 13:00.