Skuadra shpërdoron një rast të artë për të arkëtuar pikët e plota, derisa ndëshkohet në minutën e 100-të në duelin ndaj Ferizajt në shtëpi (2-2).
- Jarovic vazhdon me shënimin e golave
- Barazimi i katërt kampional
- Ndeshja e pestë pa fitore në shtëpi
- Sërish minutat shtesë vendimtare
Një tjetër ndeshje e shpërdoruar në minutat e fundit, derisa ekipi lëshon mundësi ideale për të vazhduar ritmin e fitoreve. Senad Jarovic hapi serinë e golave në minutën e 20-të të ndeshjes, derisa u shërbye bukur brenda zonës nga Edi Bsa (1-0).
Në minutën e katërt shtesë në fraksionin e parë, Jakup Berisha nga radhët e mysafirëve u gjend bukur brenda zonës dhe me një goditje të saktë realizoi për ta barazuar rezultatin (1-1).
Në pjesën e dytë, të besuarit e Debatik Currit ishin më kërkues, derisa goli erdhi sërish nga Jarovic, këtë herë me kokë në minutën e 62, pasi u shërbye bukur nga Armend Thaqi.
Mundësi ideale për ta mbyllur ndeshjen kishin Jarovic dhe Basa, mirëpo goditjet e dy futbollistëve u pritën nga ‘gardiani’ Petrit Terziu.
Fundi i ndeshjes ishte fatal sërish për ‘kuqebardhët’ derisa Jakup Berisha realizoi nga penaltia për ta barazuar rezultatin (2-2). Paraprakisht mbrojtësi Mario Zebic kishte ndërhyrë në mënyrë të palejuar brenda zonës dhe njëherit edhe u përjashtua nga loja.
Në kuadër të xhiros së 15-të, Gjilani luan në udhëtim te Drenica.
Të dhënat
SC Gjilani – FC Ferizaj 2-2 (1-1)
Stadiumi ndihmës në Gjilan
Gjyqtar: Bardh Ajeti, Lumturie Muhadri, Altin Zhegrova, Valon Bajgora, Mentor Ajeti (VAR), Alban Ejupi (AVAR)
Golashënues: Jarovic 20′ 62′ | Berisha 45+4′, 90+10′ (pen.)
Përbërja: Laroshi, Thaqi (C), Zebic, Krivanjeva (57′ Adili), Ibrahimi, Boshnjaku, Totre (45′ Bilali), Morina (69′ Taipi), Prapashtica, Basa (69′ Bilalli), Jarovic. Trajner: Debatik Curri