Në programin e kampionatit elitar të futbollit kosovar është dueli ndërmjet Gjilanit dhe Dritës, takim i vlefshëm për xhiron e 35-të në “Albi Mall” Superligë.
Ballafaqimi ndërmjet dy rivalëve të qytetit do të zhvillohet edhe njëherë tjetër në stadiumin ndihmës në Gjilan. Kjo do jetë përballja e katërt e këtij edicioni dhe njëherit e fundit për 23/24.
Pavarësisht ambicjeve jo të njejta këtë edicion, fitorja mbetet objektiv kryesor për këtë duel, i cili do të zhvillohet në prezencën e tifozërisë vendase, pasi për shkak të kushteve jo të mjaftueshme të sigurisë, tifozëria mike nuk do jetë prezent në stadium.
Derbi numër 47-të kampional në futbollin e pasluftës do jetë i transmetuar nga “Artmotion”.
Ekipi ‘kuqebardh’ do zhvillojë paraditën e së premtes seancën e fundit stërvitore, teksa më pas do të organizojë konferencë shtypi për media në lidhje me detajet e këtij takimi.
DETAJE:
Dueli: Gjilani v. Drita
Dita: E shtune
Data: 18.05.2024
Ora: 15:00
Vendi: Stadiumi ndihmës në Gjilan