Ekipi i 19 vjeçarëve ka regjistruar fitoren e parë kampionale këtë edicion garash, derisa në kuadër të xhiros së katërt kanë triumfuar në shtëpi ndaj FC Ballkani (2-1).
- Fitorja e parë kampionale vjen në shtëpi
- Nexhat Fejzullai dhe Lis Qerimi kanë realizuar golat e parë sezonal
- Dueli i radhës përballë Dukagjinit në udhëtim
Skuadra e drejtuar nga Bers Ramadani ka marrë fitoren e parë sezonale, derisa ka mposhtur Ballkanin në shtëpi me rezultat 2-1. Nexhat Fejzullai ka realizuar golin e parë në ndeshje në minutën e fundit të kohës së rregullt në pjesën e parë, derisa Lis Qerimi ka shënuar në fillimin e pjesës së dytë (51′).
Mysafirët realizuan golin e vetëm në ndeshje pak minuta para fundit (83′) përmes Festlind Graishtës.
Pikët e para kampionale për ‘kuqebardhët’ të cilët sfidën e radhës kampionale e zhvillojnë përballë Dukagjinit në Klinë.
Të dhënat:
SC Gjilani – FC Ballkani 2:1 (1:0)
Stadiumi ndihmës në Gjilan
Gjyqtar: Ermal Veseli, Donat Maliqi, Yll Pireva
Golashënues: Nexhat Fejzullai (45′), Lis Qerimi (51′) | Festlind Graishta (83′)
Përbërja: Luma, Isaki, Hyseni, Miftari, Sadiku (90+2′ Spahiu), Kadriu (73′ Azemi), Hasani (C), Isufi (74′ Kallaba), Qerimi (68′ Emini), Fejzullai, Muharremi. Kryetrajner: Bers Ramadani
Të ndëshkuar: Erd Hyseni, Drin Sadiku, Venis Luma, Selami Azemi, Bers Ramadani (Kryetrajner)