Skuadra e 21 vjeçarëve ka triumfuar në derbin e parë sezonal ndaj rivalit lokal Drita, falë dy rrjetave të gjetura nga Leart Kërqeli.
- Fitore në derbin lokal
- Leart Kërqeli shkëlqen me dy gola
- Rrezon Matoshi në nivelin më të lartë të detyrës
- 6 ditë, 3 ndeshje
Paraqitje me dy fytyra për futbollistët e ekipit të 21 vjeçarëve në derbin lokal ndaj Dritës, që u mjafton një pjesë e parë e shkëlqyer për ti marrë pikët e plota.
Leart Kërqeli me dy golësh, në minutën e 12-të dhe 29-të vendosi edhe epilogun final të kësaj sfide, duke u mundësuar kështu fitoren e katërt sezonale futbollistëve të drejtuar nga Trimnor Hasani.
Në pjesën e dytë të lojës, ndonëse edhe nga lodhja, “kuqebardhët” ulën tempon e lojës dhe si rrjedhojë mysafirët realizuan përmes futbollistit Engjëll Sylejmani. Por, kaq sa i përket historisë së kësaj ndeshje.
Me 14 pikë në tetë duelet e para “Skifterët” renditen në pozitën e dytë të klasifikimi.
Në kuadër të xhiros së nëntë, Gjilani udhëton në Hajvali për tu përballur me Prishtinën e Re.
Të dhënat:
SC Gjilani 2-1 FC Drita (2-0)
Stadiumi ndihmës në Gjilan
Gjyqtar: Mervan Bejtullahu, Hekuran Osmani, Fatlum Jashari
Golashënues: Leart Kërqeli (pen.) 12′, 19′ | Engjëll Sylejmani 55′
Përbërja: Matoshi (C), Ahmeti, Aliu, Milazimi, Sherifi (73′ Hyseni), Halimi (82′ Hasani), Sadiku, Mehmeti, Ferati (78′ Ramadani), Isufi, Kërqeli. Kryetrajner: Trimnor Hasani
Të ndëshkuar: Ermal Sadiku, Leart Kërqeli