Skuadra e 21 vjeçarëve është ndalur në shtëpi nga Malisheva, duke shpërdorur një mundësi të mirë për të marrë pikët e plota, teksa ndëshkohen në minutat e fundit të ndeshjes (2-2).
- Ekipi u ndëshkua në minutat e fundit të lojës, teksa po priste rikthimin e topit fair-play nga kundërshtari
- Ky është barazimi i parë këtë edicion garash
- Elton Isufi dhe Tefik Ramadani vazhdojnë shkëlqimin me realizimin e golave
Dueli i xhiros së katërt në Superligën e 21 vjeçarëve ndërmjet SC Gjilani dhe FC Malisheva ka përfunduar me shifra të barabarta (2-2). Një ndeshje që prodhoi gola dhe raste të shumta shënimi.
Mysafirët avansuan në pjesën e parë përmes Krenar Dulajt (35′), ndërkohë që vendasit u rikthyen në lojë me golin e Elton Isufit (51′), teksa ishte Tefik Ramadani (77′) ai i cili u përkujdes për epërsinë e parë të vendasve në këtë ndeshje.
“Kuqebardhët” e lëshuan fitoren nga duart në minutat e fundit të ndeshjes, teksa po prisnin nga futbollistët mysafir ta rikthenin topin fair-play. Arian Telaku realizoi nga afërsia në fundin e ndeshjes (88′) për ti vënë epilogun final kësaj sfide.
Në kuadër të xhiros së pestë, gjilanasit do të udhëtojnë drejt Ferizajt për t’u përballur me Ujqërit.
Të dhënat:
SC Gjilani 2-2 FC Malisheva (0-1)
Stadiumi ndihmës në Gjilan
Gjyqtar: Mentor Ajeti, Fatmir Sekiraqa, Edmond Zeqiri
Golashënues: Elton Isufi, Tefik Ramadani
Përbërja: Matoshi (C), Ahmeti, Aliu, Milazimi (90′ Basha), Sherifi (45′ Hyseni), Halimi (58′ Ramadani), Mehmeti, Sadiku, Kërqeli, H.Isufi (58′ Ferati), E.Isufi. Kryetrajner: Trimnor Hasani
Të ndëshkuar: Tefik Ramadani