Fitore me stil dhe elegancë në Malishevë, për të regjistruar fitoren e shtatë sezonale në kampionatin e 21 vjeçarëve.
- Katër gola për tre pikë
- Erion Aliu vazhdon të realizojë
- Flakzon Milazimi dhe Haris Isufi ia bëjnë sefte
Skuadra e 21 vjeçarëve ka performuar në mënyrë briliante në udhëtim përballë Malishevës me rezultat bindës 4-1.
Erion Aliu ka vazhduar me formën e mirë, derisa ka realizuar edhe njëherë tjetër, ndërkohë që sefte ia kanë bërë edhe Flakzon Milazimi dhe Haris Isufi, duke shënuar golat e parë në këtë edicion.
Me një gol dhe një asist kontriboi edhe Adonit Ahmeti, duke i dhënë vulën një paraqitje të shkëlqyer në “Liman Gegaj”. Golin e vetëm për vendasit e realizoi Haki Zogaj në fundin e ndeshjes.
Pas 13 xhirove të zhvilluar “kuqebardhët” e drejtuar nga Trimnor Hasani kanë grumbulluar 23 pikë. Shtatë fitore, dy barazime dhe katër disfata, me një golaverazh +12 gola. Gjithsej 31 të shënuar dhe 19 të pranuar.
Në xhiron e ardhshme ekipi e pret Ferizajn në shtëpi.
Të dhënat:
FC Malisheva – SC Gjilani 1-4 (0-2)
Stadiumi “Liman Gegaj” në Malishevë
Gjyqtar: Valon Bajgora, Bujar Selimaj, Gzim Mehmeti
Golashënues: Haki Zogaj 86′ | Erion Aliu 31′, Adonit Ahmeti 35′, Flakzon Milazimi 63′, Haris Isufi 68′
Përbërja: Matoshi (C) (Maliqi), Ahmeti, Aliu, Milazimi, Halimi, Sadiku (61′ Ferati), Mehmeti, Hasani, H.Isufi (Leard Kërqeli), Kërqeli (76′ Ibrahimi), E.Isufi. Kryetrajner: Trimnor Hasani
Të ndëshkuar: Erion Aliu, Flakzon Milazimi, Altin Ferati