Disfatë edhe në sfidën e dytë kontrolluese në tokën turke, këtë herë përballë ekipit të njohur kazak Aktobe (2-0).
- Matoshi starton nga minuta e parë
- Minuta për të rinjtë Sadiku dhe Isufi
- Ibrahimi merr minutat e para pas lëndimit
Skuadra ka pësuar disfatë në përballje me ekipin e njohur Aktobe nga Kazakistani me rezultat 2-0. Dy golat erdhën në minutat e para të ndeshjes, ndërkohë më pas ndeshja u kontrollua dhe u dominua nga të besuarit e Debatik Currit.
Pas golave të pranuar, skuadra mori lojën në kontroll dhe rrezikoi në pjesën e parë përmes Edi Basas, Albin Prapashticës dhe Shqiprim Taipit, mirëpo pa sukses.
Në fraksionin e dytë mundësi për të realizuar patën edhe Oltion Bilalli dhe Ennur Totre, mirëpo që nuk arritën ta ndryshonin rezultatin e krijuar në minutat e para të ndeshjes.
Ekipi mbyll një tjetër ndeshje me ngarkesë të cilën po e kërkon stafi teknik, ndërkohë që në program ka edhe dy sfida të tjera.
Fillimisht ekipi do të përballet me ekipin FC Bunyodkor nga Uzbekistani (27 Janar) dhe Zimbru Chisinau nga Moldavia (29 Janar).
FC Aktobe – SC Gjilani 2-0 (2-0)
Titanic Sport Center – Antalia
Të ndëshkuar: Shqiprim Taipi, Leonit Abazi
Përbërja: Matoshi (45′ Laroshi), Thaqi (C) (60′ Kqiku). Adili (45′ Zebic), Krivanjeva (45′ As.Thaqi), Bilalli (60′ Abazi), Taipi (60′ Sadiku), Boshnjaku (45′ Totre), Rrahmani (45′ Morina), Prapashtica (45′ Ibrahimi), Basa (60′ Isufi), Jarovic (45′ Akpan). Trajner: Debatik Curri.