Prova e fundit gjenerale në prag të duelit ndaj FC Ballkanit, i vlefshëm për xhiron e dytë në Albi Mall Superligë.
Të zhvendosur prej ditësh në fushën ndihmëse me bari artificial, skuadra ka zhvilluar edhe përgatitjet e fundit, megjithë temperaturat e larta të cilat kanë mbretëruar në vendin tonë dhe jo vetëm.
E gjithë skuadra i është përgjigjur Ardian Nuhiu, përveçse Oltion Bilallit, i cili ka një shqetësim muskular dhe Aridon Bllacës që po vazhdon të stërvitet i distancuar nga pjesa tjetër e ekipit duke u marrë kështu me procesin e rikuperimit.
Në listën e të ftuarve janë futbollistët e tjerë, të cilët priten të jenë të gatshëm për sfidën e së hënës.
Takimi ndërmjet Gjilanit dhe Ballkanit pritet të zhvillohet të hënën më 19 Gusht nga ora 17:00 në stadiumin ndihmës me bari sintetik në Gjilan.
Zyra për media
18 Gusht, 2024
