Ekipi është paraqitur në fushën stërvitore menjëherë pas duelit ndaj Feronikeli ’74 në mënyrë që të jetë i gatshëm për duelin e radhës kampional ndaj Malishevës.
Në mëngjesin e së hënës skuadra titullare ka vijuar me procesin e rigjenerimit, ndërkohë që pjesa tjetër e grupit kanë vijuar me programin e rregullt stërvitor.
Me program të veçantë po vijojnë stërvitjet Robert Rrahmani dhe Leon Miftari, të cilët janë në proces të rikthimit në fushën e blertë pas shqetësimeve të cilat i kanë patur.
Skuadra do të mbajë vetëm edhe një seancë stërvitore të martën në mëngjes para se të udhëtoj drejt Malishevës për t’u përballur po me këtë skuadër të mërkurën.
