Gjilani nderon ish-futbollistin Nasko Milev - SC GJILANI

Gjilani nderon ish-futbollistin Nasko Milev

Përballja miqësore ndaj Krumovgrad ishte një përballje edhe me të kaluarën, pasi që anëtar i klubit bullgar është edhe ish-futbollisti ynë Nasko Milev.

Para fillimit të ndeshjes Milev u përshëndet me pjesën më të madhe të ekipit me të cilët kishte luajtur në edicionin e kaluar. Sulmuesi nga Plovdiv u nderua gjithashtu nga klubi gjilanas para se të niste ndeshja.

Në një ceremoni modeste menaxheri i klubit, Drilon Sylejmani, i ndau mirënjohje në shenjë falenderimi për kontributin e dhënë me fanellën “kuqebardh”.

“Faleminderit për kontributin dhe profesionalizmin e treguar gjatë kohës sa ishe pjesë e Sport Club Gjilani”.

Milev falenderoi drejtuesit e klubit dhe shprehu mirënjohjen e thellë për nderimet që iu bënë para ndeshjes.