Komisioni i Garave ka njoftuar për kalendarin e ndeshjeve për muajt tetor dhe nëntor, derisa në program janë gjashtë ndeshje për t’u zhvilluar.
Dueli ndaj Vushtrrisë do jetë i pari në këtë muaj për kuqebardhët e drejtuar nga Debatik Curri, teksa kjo ndeshje zhvillohet të shtunën më 10 tetor me fillim nga ora 14:00.
Tre ditë më pas në shtëpi takohemi me Drenicën, mirëpo nën ndriçimin e reflektorëve (18:00).
Të dielën më 18 tetor fillojmë edhe fazën e dytë të ndeshjeve, teksa ndeshemi me Feronikeli ’74 sërish në shtëpi me fillim nga ora 18:00.
Përballja me Llapin zhvillohet të premten më 23 tetor po ashtu nga ora 18:00.
Udhëtimi në “18 Qershori” të Klinës ndaj Dukagjinit do jetë më 1 nëntor në sfidën e cila zhvillohet nga ora 18:00.
Të shtunën me 7 nëntor presim Malishevën nga ora 18:00.
Nga 9 nëntori deri më 18 nëntor, skuadra sërish pauzon për shkak të ndeshjeve të kombëtareve.
