Sport Club Gjilani kishte kënaqësinë të mirëpres selektorin e Kosovës, Franco Fodan, i cili krahas vizitës të cilën e bëri në ambientet e klubit, po ashtu shikoi nga afër ndeshjen kampionale ndërmjet Gjilanit dhe Llapit.
Selektori Foda ishte i shoqëruar nga presidenti i FFK-së, Agim Ademi, drejtori i kombëtares Muharrem Sahiti dhe menaxheri i kombëtares Bajram Shala.
Gjatë vizitës u diskutua për rëndësinë e zhvillimit të futbollit në nivel lokal, përkushtimin e të rinjve dhe mbështetjen institucionale për klubet vendore.
Foda ndoqi me interes nga afër takimin ndërmjet Gjilanit dhe Llapit, duke përcjellë kështu formën e disa futbollistëve potencial për të ardhmen që mund të jenë pjesë e ekipit përfaqësues.
Në shenjë falenderimi për vizitën klubi nderoi selektorin Foda me dhurata modeste.
